«Рэкетир»-дің жұлдызы: актер Мұрат Бисенбин көз жұмды

«Рэкетир» культтік фильміндегі рөлі арқылы көпшілікке танылған қазақстандық актер Мұрат Бисенбин өмірден өтті. Ол 54 жаста еді, деп хабарлайды Azattyq Rýhy. 

Өнер иесінің қайтыс болғаны туралы оның қызы Instagram желісінде қаралы хабар жариялады.

Бұған дейін Мұрат Бисенбиннің бір жылдан астам уақыт бойы онкологиялық аурумен күрескені хабарланған болатын. Сондай-ақ ол жуырда инсульт алған. Актердің денсаулығының күрт нашарлағанын бұған дейін оның жақындары мен әріптестері де айтқан еді. Атап айтқанда, актер Жан Байжанбаев Бисенбиннің жағдайына алаңдап, ақша жинаған еді.

Қазақстандық кино қауымдастығы мен көрермендер марқұмның туған-туыстары мен жақындарына көңіл айтады.