Қырғызстан ҰҚК басшысы қол астындағы қызметкерінің телефонын лақтырып жіберді (ВИДЕО)

Қырғызстанның Ұлттық қауіпсіздік мемлекеттік комитетінің басшысы Қамшыбек Ташиев қарамағындағы қызметкерінің телефонын алып, лақтырып жіберді. Оқиға Нарын облысында болған, деп хабарлайды Azattyq Rýhy 24.kg сайтына сілтеме жасап.

Ташиев Қошқар ауданы орталығындағы аурухананың жай-күйімен танысу барысында ескі ғимараттарды бұзып, жаңадан екі төрт қабатты корпус салуды, сонымен қатар аумақты абаттандыруды тапсырды. Артынша Ташиев Ұлттық қауіпсіздік комитетінің аудандық бөлімінің бастығын шақырып, тапсырманы естіген-естімегенін сұрады. ҰҚМК басшысы қарамағындағы қызметкерінің телефонға алданғанына ашуланып, оның смартфонын алып, лақтырып жіберген.

«Сіз үшін мен жұмыс істеуім керек пе? Құрылыс дереу басталуы керек. Жақсы мердігерді таңдап, бүкіл процесті өз бақылауыңызға алыңыз», - деді Қамшыбек Ташиев.