$ 538.54  628.31  6.7
ҚАЗ
×
Бұл желілік ресурстың ақпараттық өнімдері 18 жастан асқан адамдарға арналған.

Израиль шабуылынан Иранның Қарулы күштерінің басшысы қаз тапты

Елуге жуық адам жарақат алған 

Израиль шабуылынан Иранның Қарулы күштерінің басшысы қаз тапты
Фото: Reuters

Израильдің әуе шабуылынан кем дегенде 50 адам жарақат алды, оның ішінде 35 әйел мен бала бар. Барлық зардап шеккендер Тегерандағы «Чамран» ауруханасына жеткізілген, деп хабарлайды Azattyq Rýhy.

Сондай-ақ Иранның Қарулы күштерінің басшысы Хоссейн Салами мен ядролық ғалым Ферейдун Аббасидің қаза тапқан.

Израиль Натанздағы уран байыту орталығын нысанаға алды. Бұл деректі Халықаралық атом энергиясы агенттігі (МАГАТЭ) растады. Агенттіктің басшысы Рафаэль Гросси жағдайды «өте қауіпті» деп бағалап, Иран билігімен байланыста екенін мәлімдеді. Оман Израильдің шабуылдарын айыптап, бұл әрекеттерді «аймақтағы тұрақтылыққа қауіп төндіретін эскалация» деп атады. Ал Израиль премьер-министрі Биньямин Нетаньяху болса, шабуылдың сәтті жүзеге асқанын айтып, алдағы уақытта да жалғасын табатынын атап өткен.

Иранның Жоғарғы көшбасшысы аятолла Әли Хаменеи Израильге «ауыр әрі азапты» жауап болатынына уәде етті. Ол әскерилерге толық әрекет етуге рұқсат беретінін айтқан. Сонымен қатар, таңертең Тегеранда әуе шабуылына қарсы жүйелер іске қосылып, жаңа жарылыстар тіркелгені хабарланды.

АҚШ президенті Дональд Трамп Иранның ядролық қаруды қолдануына жол бермеу керегін тағы да қайталап айтып, Вашингтонның дипломатиялық келіссөздерге қайта оралуға ниетті екенін мәлімдеді. Бұл туралы Израильдің Иранға жасаған әуе шабуылдарынан кейін Fox News телеарнасына берген сұхбатында айтқан. Трамп сондай-ақ, АҚШ бұл шабуыл туралы алдын ала білгенімен, оған еш қатысы жоғын мәлімдеді.

Сарапшылар қақтығыстың аймақтың тұрақтылығына үлкен қауіп төндіріп, арты ірі соғысқа айналуып кетуі мүмкін екенін ескертті.

Еске салайық, шаубылдарға байланысты  Қазақстанның Тель-Авивтегі Елшілігі Израильде жүрген Қазақстан азаматтары үшін жедел желі ашып, ескерту жасады. Елшілік Қазақстан азаматтарын сол елдің әскері бекіткен нұсқаулықты орындап, қырағы болуға шақырды.

Серіктес жаңалықтары