Аустрияда қар көшкінінен 8 адам қаза тапты

Аустрияның таулы аймақтарында бір күнде үш бірдей ірі қар көшкіні жүріп, соның салдарынан сегіз адам мерт болды. Қазір Альпі тауларында жағдай өте күрделі: мамандар қар жамылғысының тұрақсыздығына байланысты қауіп әлі де жоғары екенін ескертеді, деп хабарлайды Azattyq Rýhy DW агенттігіне сілтеме жасап.

Зальцбургтегі трагедия: 4 турист мерт болды

Ең ірі қайғылы оқиға Зальцбург федералдық жеріндегі Гросарль алқабында болды. Биіктігі 2150 метрлік Финстеркопф тауында қар көшкіні жеті туристі басып қалған.

Төрт адам сол жерде қаза тапты. Екі адам ауыр жарақатпен ауруханаға жеткізілсе, біреуі жеңіл жарақат алған.

Тау-құтқару қызметінің мәліметінше, көшкін түс ауа, қар массасының қозғалуынан басталған.

Штирия мен Бад-Хофгастайн: Құрбандар арасында шетелдіктер бар

Қар көшкіні Альпінің басқа нүктелерінде де адам өмірін қиды. Штириядағы жағдай: Мур алқабында қар астында Чехиядан келген үш шаңғышы қалып, мерт болды. Тағы төрт адам жарақат алып, шұғыл медициналық көмекке жүгінді.

Бад-Хофгастайн: Мұнда көшкін ерлі-зайыптыларды басып қалды. Өкінішке қарай, әйел адамды аман алып қалу мүмкін болмады.

Биліктің ескертуі: Тауға шығу әлі де қауіпті

Аустрия билігі мен құтқару қызметі туристерге шұғыл үндеу жасады. Ауа райының қолайсыздығы мен қардың тығыз еместігі соншалық, тіпті адамның тау беткейіне түсірген болмашы салмағының өзі жаңа көшкінді қоздыруы мүмкін.

«Біз барлық турис пен қысқы спорт әуесқойларын ескертулерді қатаң сақтауға және қауіпті маршруттардан аулақ болуға шақырамыз», — делінген полиция хабарламасында.

Қазіргі уақытта құтқарушылар мен полиция әрбір оқиғаның мән-жайын және қаза тапқандардың тұлғасын толық анықтап жатыр.