Әлем чемпионаты Ливерпульде өтіп жатыр
Қазақстандық боксшы Назым Қызайбай Ливерпульде өткен әлем чемпионатында күміс медальға қол жеткізді, деп хабарлайды Azattyq Rýhy.
Әйелдер арасында 48 келіге дейінгі салмақ дәрежесінде өткен ақтық сында Қызайбай Үндістан өкілі Минакшиге төрешілердің бөлек шешімімен есе жіберді.
Жекпе-жек тартысты өтті, алайда қарсыласқа басымдық берілді.
Назым Қызайбай – Қазақстан әйелдер боксының символына айналған тәжірибелі спортшы. Ол бұған дейін де әлемдік және құрлықтық ареналарда бірнеше рет топ жарған.
Бұл жолы да Қызайбай ел намысын абыроймен қорғап, күміс медаль еншіледі.
Қазақстандық спорт жанкүйерлері әлеуметтік желілерде Назым Қызайбайды жеңісі үшін құттықтап, оның спортқа сіңірген еңбегін атап өтуде.
«Сен біздің чемпионсың! Күміс – бұл да үлкен жетістік», – деп жазуда жанкүйерлер.