Оның қарсыласы грек спортшысы болды
Ұлыбританияның Ливерпуль қаласында өтіп жатқан бокстан Әлем чемпионатында Қазақстан спортшысы Карина Ибрагимова сәтті өнер көрсетті, деп хабарлайды Azattyq Rýhy.
57 келіге дейінгі салмақ дәрежесінде шыққан боксшымыз грек қарсыласы Панагиота Кузилумен кездесті.
Тартысты өткен жекпе-жекте төрешілердің бірауыздан шешімі бойынша Карина Ибрагимова жеңіске жетті. Осылайша ол чемпионаттың 1/8 финалына жолдама алып, келесі кезеңге өтті.
Ибрагимова енді әлем біріншілігінің келесі кезеңінде бокстасады.