«Сылтау айтпаңыздар»: қазақстандықтар «Реал Мадридтің» парақшасына «шабуыл» жасады
Жазбаға 40 мыңнан астам пікір жазылған

«Қайрат» футбол командасы өз алаңында UEFA Чемпиондар лигасында «Реал Мадрид» командасымен ойнайтыны белгілі. Қазақстандықтар «Реал Мадрид» командасының ресми аккаунтын пікір астында қалдырды, деп жазады Azattyq Rýhy.
«Реал Мадрид» командасы өзінің ресми парақшасында Чемпиондар лигасы командаларының кестесін жариялады. Жазбаның астына пікір қалдырғандардың басым бөлігі қазақстандықтар болып шықты. 1,4 млн лайк жинаған жазбаға 40 мың пікір жазылған.
«Қазақтар алға!». «Алаң нашар деген сылтау айтылмасын». «Бүгін біз үшін тарихи сәт – жергілікті командамыз «Қайрат» Алматы алғаш рет Чемпиондар Лигасына жолдама алды». «Бізді одан сайын қуантқаны – дәл осындай ұлы команда, «Реал Мадрид», Алматыға келіп біздің командамен ойнайды деген жаңалық». «Сіздерден өтініш - Алматыға толық жұлдызды құраммен келіп, ең үздік ойыныңызды көрсетсеңіздер, халқымызды бақытқа бөлейсіздер»,- деп жазған олар.
Айта кетейік, Монакодағы жеребе тастау кезінде «Қайрат» футбол командасы өз алаңында «Реал Мадрид», «Брюгге», «Олимпиакос» және «Пафос» клубтарымен ойнайтыны белгілі болды.