Жарыс Астанада өтіп жатыр
Олимпиада ойындарының қола жүлдегері Назым Қызайбай Астанада өтіп жатқан бокстан Әлем кубогы кезеңінің финалына жолдама алды, деп хабарлайды Azattyq Rýhy.
5 шілде күні өткен жекпе-жекте Назым Қызайбай 48 келі салмақ дәрежесінде Жапониялық Хикару Шинохарамен кездесті. Қазақстандық спортшы бастан-ақ басымдық көрсетіп, ақыры төрешілер шешімімен жеңіске жетті.
Назым Қызайбай енді 6 шілде күні, 48 келіде алтын медаль үшін рингке шығады. Жанкүйерлер ел үмітін ақтайды деп сенім артып отыр.
Астанадағы бұл турнир – клубтар арасындағы бокстан Әлем кубогы. Бұл жарыс халықаралық деңгейдегі мықты спортшыларды біріктіретін маңызды дода саналады.