Бокстан Қазақстан құрамасы халықаралық турнирде бірінші орын алды

Eindhoven Box Cup халықаралық турнирінде бокстан Қазақстан құрамасы командалық есепте бірінші орынды жеңіп алды, деп хабарлайды Azattyq Rýhy.

Қазақстан 5 алтынмен көш бастады

Жарыс Нидерландының Эйндховен қаласында өтті.

Қазақстан бокс федерациясы баспасөз қызметінің хабарлауынша біздің спортшылар 5 алтын және 3 қола медаль иеленді.

Турнир чемпиондары:

• Даниял Сәбит
• Абылайхан Жүсіпов
• Ерасыл Жақыпбеков
• Дәулет Төлемісов
• Нұрлан Сапарбай

Қола жүлдегерлер:

• Ертуған Зейнуллинов
• Сабыржан Аққалықов
• Сағындық Тоғамбай.

Өзбектер мойындамады

Қазақ боксшысы Абылайхан Жүсіпов финалда өзбекстандық Асадходжа Муйдинходжаевты жеңген болатын. Алайда Өзбекстан бокс федерациясы Абылайхан Жүсіповтің жеңісін мойындамады.

Айтуларынша, жекпе-жек тоқтатылғанға дейін спортшылар тең жұдырықтасқан.

"Қазақстандық боксшы жарақат алып, жекпе-жек бірінші раундтан кейін тоқтатылды. Төрешілер түсініксіз шешім қабылдады, раунд тең өтсе де, жеңісті 2:3 есебімен Қазақстанға берді", – деп мәлімдеді федерация.