Ол Дүниежүзілік көшпенділер ойындарына арналып салынды
Елорда Бейбарыс Сұлтан көшесінде пайда болған «Бүркітші» атты жаңа муралмен безендірілді. Ол 2024 жылдың 8-14 қыркүйегі аралығында қалада өтетін Дүниежүзілік көшпенділердің ойындарына арналған, деп хабарлайды Azattyq Rýhy.
Астана әкімдігінің хабарлауынша, муралдың биіктігі – 16 метр. Онда бүркітті аспанға ұшырған бүркітшы ер адам бейнеленген, бұл ойындардың басталуын білдіреді. Суреттің фонында көшпенділердің көркем жері, көшпелі өмір бостандығы мен мәдени дәстүрді бейнелейтін таулар мен киіз үйлер бар.
Дүниежүзілік көшпенділер ойындарына әлемнің 89 елінен 2000-ға жуық спортшы қатысады деп күтілуде.
Астанада өтетін Дүниежүзілік көшпенділер ойындарында спорттың 21 түрінен 97 медаль сарапқа салынады.