Өткен түнде Елена Рыбакина әлемнің үздік теннисшісін жеңді
Танымал Twitter аккаунты The Tennis Letter қазақстандық Елена Рыбакинаның кезекті жетістігі туралы қызықты мәлімет жариялады, деп хабарлайды Azattyq Ruhy.
Өткен түнде Елена Рыбакина әлемнің үздік теннисшісін жеңді.
«Елена Рыбакина биыл әлемдік рейтингтегі бірінші және екінші нөмірлі теннисшілерді жеңген жалғыз теннисші: Брисбенде Арина Сабаленка - 6:0, 6:3, Штутгартта Ига Швентек - 6:3, 4:6, 6:3», - деп жазады The Tennis Letter.
Штутгарттағы (Германия) турнирдің финалында Елена Рыбакина украиналық теннисші Марта Костюкпен (27-орын) кездеседі. Ол осы аптада үш сенсация жасап үлгерді: үздік ондыққа кірген үш теннисшіні жарыс жолынан шығарды – Чжэн Циньвэнь (7-орын), Кори Гауфф (3-орын) және Маркет Вондроушов (8-орын).