Эльмира осыған дейін Азия чемпионатында 6 жүлде жеңіп алған
Қазақ қызы Эльмира Сыздықова Астанада өтіп жатқан күрес түрлерінен Азия чемпионатының жеңімпазы атанды, деп хабарлайды Azattyq Rýhy.
Эльмира Сыздықова қырғызстандық Айпері Медетқызын таза ұтып, 2 дүркін Азия чемпионы атанды.
Отандасымыз сары құрлық бәсекесін ширек финалдан бастады. Алғашқы белдесуінде өзбекстандық Озода Зарипбаеваны мерзімінен бұрын ұтты. Сосын жартылай финалда қытайлық Хуан Вангті ұпай санымен жеңді.