«Үлкен дулыға» санатындағы турнирдің финалында жеңіске жетті
Қазақстандық теннисші Елена Рыбакина «Уимблдон» финалында жеңіске жетті, деп хабарлайды Azattyq Rýhy.
Отандасымыз тунистік Онс Жаберден басым түсті.
Кездесудің алғашқы сетін әлемнің екінші нөмірлі теннисшісі Онс Жабер өз пайдасына шешті. Есеп – 6:3.
Дегенмен екінші сетті Елена Рыбакина өте сәтті бастады. Ол бірден қарсыласының геймін жеңіп, алға шығып алды. Содан соң қазақстандық теннисші бесінші гейм барысында кезекті рет брейк жасады. Осыдан кейін отандасымыз өзінің екі геймін жеңіп, сетті 6:2 есебімен өз пайдасына аяқтады.
Үшінші сетті де Елена Рыбакина бірден брейкпен бастады. Нәтижесінде 6:2 есебімен жеңіп, Уимблдон турнирінің чемпионы атанды.
Айта кетейік, Елена Рыбакина еліміздің намысын қорғап, «Үлкен дулыға» санатындағы турнирдің финалына шығып, жеңіске жеткен бірінші теннисші атанды.