Сауль Альварес қазақстандық боксшылардың талантына риза болды
Екінші орта салмақта әлемнің абсолютті чемпионы Сауль Канело Альварес қазақстандық боксшылардың талантына риза болды. Бұл туралы Azattyq Rýhy Vesti.kz-ке сілтеме жасап хабарлайды.
Сауль Альварестің WBA чемпионы ресейлік Дмитрий Биволмен жекпе-жегіне дайындалуына қазақстандық боксшы Айдос Ербосынұлы көмектесті. Бұл жекпе-жек 7 мамыр күні Лас-Вегаста (АҚШ, Невада штаты) өтеді.
Мексикалық боксшының лагерінде Евгений Павлов, Бек Нұрмағанбет, Данил Семенов, Абылайхан Жүсіпов және Әбілхан Аманқұл секілді қазақстандық боксшылар жаттыққан.
«Қазақстанда мықты боксшылар өте көп. Бірнеше апта бұрын лагерімізге бірнеше қазақстандық боксшы келді. Олар өте мықты, жақында чемпион атанатынына күмәнім жоқ. Қазақстанды осындай талантты боксшыларының көп болғанымен құттықтаймын. Жалпысында Қазақстан үздік спортшылары бар мықты мемлекет. Сіздердің елдеріңізге міндетті түрде барғым келеді. Алға, Қазақстан!» - деді Альварес.