Пекинде бүгін XIII Паралимпиада ойындары басталады

Бүгін елорда уақытымен сағат 18:00-де Бейжіңдегі Паралимпиада ойындарының ашылу салтанаты өтеді, деп хабарлайды Azattyq Rýhy.

Ертең жарыс басталады. Бұл жолғы байрақты бәсекеге 50 елден 700-ден аса спортшы қатысады. Олардың арасында біздің жерлестеріміз де бар. Қысқы ойындарға 5 қазақстандық жолдама алды. Олар 2 бағыт бойынша, яғни парабиатлон мен парашаңғы жарыстарында бағын сыйнайды. Мәселен, ертең парабиатлон бойынша Сергей Усольцев пен Александр Герлиц жарысқа араласады. 

Қазір Бейжіңдегі ұлттық стадионда қызу қарбалас. Соңғы дайындық жұмыстары жүріп жатыр. Ашылу салтанатында еліміздің көк байрағын шаңғышы әлем кубогінің қола жүлдегері Ербол Хамитов ұстап шығады.