Боксшылар бүгінге дейін екі рет кездескен
Екінші орта салмақта әлемнің абсолют чемпионы Сауль «Канело» Альварес (57-1-2, 39 КО) қазақстандық Геннадий Головкинмен (41-1-1, 36 КО) үшінші рет жекпе-жек өткізгісі келеді. Бұл туралы Boxingscene.com порталына мексикалық боксшының бапкері Эдди Рейносо мәлімдеді, деп хабарлайды Vesti.kz.
«Чемпион ретінде біз ең мықтылармен айқасуға тырысуымыз керек. Белбеуі бар боксшылармен бірге жанкүйерлер күтетін жекпе-жектер өткізуіміз қажет. Біз Джермалл Чарло (WBC чемпионы) және Головкинмен жұдырықтасқымыз келеді», - деп маман Альварестің орта салмақта шыққысы келетін қарсыластарын атады.
Айта кетейік, Альварес пен Головкин бүгінге дейін екі рет кездесу өткізді. Оның біреуінде жекпе-жек тең аяқталса, екіншісінде мексикалық боксшы басым түсті.