Қола жүлделеріңіз мен үшін алтыннан кем емес – Димаш Құдайберген

Қазақстан ұлттық құрамасының қоржынына Токио Олимпиадасында 8 қола медаль түсті

фото: instagram.com/kudaibergenov.dimash/

Танымал қазақстандық әнші Димаш Құдайберген Токио Олимпиадасында 8 қола медаль алған қазақстандық спортшыларға алғысын білдірді. 

«Жеңістеріңіз үшін көп рахмет, бауырлар! Елдің намысы үшін тырысып, еңбекпен әкелген қола жүлделеріңіз мен үшін алтыннан кем емес! Алла қаласа бұдан да үлкен шыңдарды бағындыруды нәсіп етсін!», - деп жазды әнші.

Еске салайық, Қазақстан ұлттық құрамасының ойыншылары Токио-2020 жазғы Олимпиадасынан алтын медальсіз оралды. Олимпиада ойындарында Қазақстан спортшылары сегіз қола медаль жеңіп алды. Елдос Сметов (дзюдо), Игорь Сон мен Зүлфия Чиншанло (ауыр атлеттер), Қамшыбек Қоңқабаев пен Сәкен Бибосынов (боксшылар), Нұрислам Санаев (еркін күрес), Дархан Асаділов пен Софья Берульцева (каратэ) жеңіп алды.  

×
Бұл желілік ресурстың ақпараттық өнімдері 18 жастан асқан адамдарға арналған.