Беларусь теннисшісі қарсыласын екі сетте жеңіп, келесі айналымға шықты
Әлемнің бірінші ракеткасы, Беларусь өкілі Арина Соболенко АҚШ ашық чемпионатының бірінші айналымында колумбиялық теннисші Камила Осориомен (WTA рейтингінде 59-орын) кездесті, деп хабарлайды Azattyq Rýhy.
Sports.kz мәліметінше, Нью-Йорктегі «Артур Эш» стадионында өткен кездесу екі сетке созылып, Соболенконың пайдасына 6:2, 6:4 есебімен аяқталды.
Теннисшілер кортта барлығы 1 сағат 27 минут өткізді. Беларусь теннисшісі 2024 және 2025 жылдары жеңіп алған US Open чемпионы атағын қорғауды жалғастырып жатыр. Енді Соболенконың келесі қарсыласы әлемдік рейтингте 160-орында тұрған ресейлік Полина Яценко болады.
Яценко турнирдің бірінші айналымында WTA рейтингінде 74-орында тұрған мексикалық Рената Сарасуаны 4:6, 6:4, 7:6 (10:7) есебімен жеңді.