Қазақстандық пара спортшылар әлемдік гран-при сериясында 11 медаль еншіледі

Марокконың Рабат қаласында пара жеңіл атлетикадан Гран-приде қазақстандық пара спортшылар 1 алтын, 4 күміс және 6 қола медаль  жеңіп алды, деп хабарлайды Azattyq Rýhy.

Атап айтқанда, диск лақтырудан F-53 класында өнер көрсеткен Махамбет Серикалиев жеңімпаз, ал Санат Есмахамбет қола жүлдегер атанды.

Мейіржан Мақшат T-46 класында ұзындыққа секіруден  күміс жүлдені еншіледі. 200 м қашықтыққа жүгіруден Мейіржан Мақшат(T-46) пен Аман Өстібаев (T-36) жарыстың қола жүлдесіне ие болды.

Найза лақтырудан Мұқан Айтмырзаев (F-55) пен Махамбет Серикалиев (F-53) қола жүлде жеңіп алды.

Ядроны серпуден Дастан Мұқашбеков (F-36), Равиль Мансұрбаев (F46) және Мұқан Айтмырзаев  (F-55) күміс медаль еншілесе, Диана Шапошникова (F-40) қола медаль жеңіп алды.

Айта кетсек, тірек-қимыл аппараты, көру қабілеті зақымданған және интеллектуалды даму ерекшеліктері бар спортшылар арасында өткен пара жеңіл атлетикадан Гран-при жарысы 23-25 сәуір аралығында өтті. Аталмыш додаға 57 елден 750-ден астам спортшы қатысты.