Boxam Elite-2026: спортшыларымыз 17 медаль иеленді

Испанияның Ла-Нусия қаласында өткен Boxam Elite-2026 халықаралық турнирі аяқталды. Қазақстан ұлттық құрамасы бұл додада айқын басымдық танытып, жалпы есепте 17 жүлде жеңіп алды, деп хабарлайды Azattyq Rýhy. 

Boxam Elite-2026 нәтижесі

Қазақстандық былғары қолғап шеберлері финалдық сында жоғары деңгей көрсетіп, 6 алтын медальді қоржынға салды. Жеңімпаздар тізімі:

• Санжар Ташкенбай (50 келіге дейін);
• Махмуд Сабырхан (55 келіге дейін);
• Төрехан Сабырхан (70 келіге дейін);
• Нұрбек Оралбай (85 келіге дейін);
• Айбек Оралбай (90 келіден жоғары);
• Умида Садықова (80 келіден жоғары).

Турнирдің финалдық кезеңінде тағы 5 боксшымыз күміс жүлдеге ие болса, 6 спортшы қола жүлдені еншіледі.

Күміс жүлде иелері: Аман Қонысбеков, Сағындық Тоғамбай, Нұрасыл Асылхан, Панар Сейітханқызы, Назерке Серік.

Қола жүлде иелері: Тимур Нұрсейітов, Азамат Бектас, Нұрбек Мұрсал, Нұрзат Оңғаров, Гузаль Садықова және Елянур Тұрғанова.

Қазақстан құрамасының бұл жетістігі алдағы ірі халықаралық жарыстар алдындағы дайындықтың жоғары деңгейде екенін көрсетті.