Кейбір өңірдегі жалақы теңсіздігі тіпті 83 пайызға жеткен
Қазақстанда «Басшылық қызметтегі және мемлекеттік қызметтегі» санаты бойынша жұмыс істейтін әйелдер ерлерден қарағанда орташа есеппен 35,4% аз жалақы алады. Ал, батыс өңірлерде осы лауазымдағы ерлерге тура осындай міндет арқаратын әйелдерден қарағанда екі есе көп еңбекақы төленеді, деп жазады Azattyq Rýhy.
Ұлттық статистика бюросының мәліметіне сүйенсек, Атырау облысында мемлекеттік қызметте жұмыс істейтін ерлер әйелдерден қарағанда 83,4%, Маңғыстау облысында 81% көп жалақы алып жүр.
Бұл теңсіздік Ақмола облысында 54,4%, Ақтөбе облысында 53,0%, ал, Шығыс Қазақстанда 52,7% тең.
Мемлекеттік қызметтегі ерлер мен әйелдер теңдей жалақы алатын өңірлер қатарына Жетісу (6,4%) және Түркістан облыстарын (11,2%) жатқызуға болады.
Бұл алшақтың өңірлер арасында да байқалады. Мысалы, Атырау облысындағы ер басшылар 1,4 млн теңге, Алматыдағы осындай лауазымдағы ер адам 1,2 млн теңге жалақы алса, СҚО-да сондай лауазым атқаратын шенеуніктің орташа жалақысы 292 мың, Жетісу облысында 300 мың.