Елімізде тағы бір қаржы пирамидасының басшысы ұсталды

Атырау полициясы «НурАлиКапитал» ЖШС-нің құрылтайшысын ұстады, деп хабарлайды Polisia.kz.

Күдікті ақпан айынан бері халықаралық іздеуде жүрген.

Ол 16 маусымда Алматыда ұсталған.

«Ұсталған күдікті жұртты алдау арқылы олардың мүлкі мен ірі көлемде ақшасын алып алған», - дейді Атырау облыстық Полиция департаменті басшысының орынбасары Нұрхат Оразбаев.

Бұған дейін Атырау соты күдіктіні қамауда ұстау туралы шешімді сырттай шығарған болатын. Қазіргі таңда қылмыстық іспен Полиция департаменті жанынан құрылған шұғыл тергеу тобы айналысып жатыр.