Мұндай келісімді банк талап етеді
Қазақстанда ерлі-зайыптылар банктен немесе микроқаржы ұйымынан сомасы 1 000 айлық есептік көрсеткіштен асатын несие рәсімдемес бұрын алдымен жұбайының келісімін алуы керек. Қаржы нарығын реттеу және дамыту агенттігі тиісті қаулы жобасын әзірледі, деп хабарлайды Azattyq Rýhy.
Биыл 1 000 АЕК 3 млн 932 мың теңгеге тең.
«Қаулы жобасы банктердің және микроқаржы ұйымдарының 1000 АЕК және одан асатын сомада кепілсіз тұтынушылық банк қарызын (микрокредит) беру үшін жеке тұлғаның жұбайының келісімін алуын, сондай-ақ мұндай келісім талап етілмейтін жағдайларды көздейді», - делінген құжатта.
Егер жеке тұлға банкке қосалқы қарыз алушы ретінде жүгінсе немесе кредит ішкі қайта қаржыландыруға жатса онда жұбайының келісімі талап етілмейді.
Қаулы жобасы 23 шілдеге дейін қоғам талқысына шығарылды.