«Салынады, бірақ басқа жерге»: Қарағандыны шулатқан тұрғын үй кешенінің құрылысы жалғасатын болды

Өткен аптада жазғанымыздай, Қарағанды қаласында бұрынғы аттракциондар паркі орналасқан «Фэнтези» аумағында көп қабатты тұрғын үй салынады деген ақпарат қала тұрғындарын қатты алаңдатқан еді. Кейін әкімдік құрылыс тоқтайтынын мәлімдеген. Ал бүгін көп қабатты тұрғын үй басқа жерге салынатыны белгілі болды, деп хабарлайды Azattyq Rýhy.

«Бұрынғы FantasyWorld саябағының аумағына салынады деген тұрғын үй кешеніне тоқтала кетсем. Қазір бәрі бұл құрылыстың тағдыры не болады деген сұрақ көптің көкейінде жүр. Қала әкімдігіне тұрғын үйді салатын балама участок іздеу туралы тапсырма бердім», - дейді облыс әкімі Ермағанбет Бөлекбаев.