Наима Байсафа былтыр танымал коуч Руслан Хайруллаевқа тұрмысқа шыққан болатын
Блогер, стилист Жанна Ахметова журналист Тимур Балымбетковке берген сұхбатында қызы Наима Байсафаның неге ажырасып жатқанын айтты, деп жазады Azattyq Rýhy.
Жуырда Наима Байсафа мен Руслан Хайруллаевтың ажырасып жатқаны белгілі болды. Олардың ортақ бір қызы бар. Наима Байсафа мен анасы Жанна Ахметованың айтуынша, Руслан Хайруллаев көп нәрсені тек ақшаға әкеліп тіреген. Сондай-ақ, Руслан Хайруллаевтың анасы олардың араларына түскен.
«Ең алғаш рет болашақ құдағиыммен танысқанда «қызымды келін қылмаңыздар, ол тамақ істей алмайды, тіпті, шұжық турай алмайды» деп айтқамын. Бірақ, олар маған «бізге керегі ол емес» деген еді», - дейді Жанна Тимур Балымбетовке берген сұхбатында.
Сондай-ақ ол қызы тұрмысқа шыққан соң оның үйіне сегіз айдан кейін барғанын, ал жалпы, тұрмыстағы жылы қызымен небары бес рет кездескенін айтты.
«Негізі, зорлық-зомбылық дегеніміз тек ұру емес қой. Ол көзге көрінбеуі мүмкін, бірақ күйеуі әйеліне күн сайын қысым жасайды, соның ішінде ақшалай жасайды, күнде қорлайды. Жалпы, бұны қалай байқадым: мен қызымның үйіне сегіз айдан кейін бірақ бардым. Бірінші рет барғанда қызым дастархан жайды. Жиенім өмірге келген соң көмектесу үшін жиі бара бастадым. Басында бір күн, екі күн, он күн, кейін қырық күн бақылап жүрдім: менің қызым үнемі жылап, үйде жалғыз өзі жүрді. Ал, жолдасы жоқ. Қызымның маған тартқаны соншалық, ол маған келіп осы мәселе туралы мүлде айтпаған еді. Қызым тұрмыс құрған жылы мен оны бес рет қана көрген шығармын, өйткені, менімен кездесуге тыйым салған», - деді Жанна Ахметова.