Бейбіт Шәнім сотталған азаматтармен ашық кездесу өткізген
ҚР еңбек сіңірген мәдениет қайраткері, «Құрмет» орденінің иегері, Аймауытов атындағы қазақ музыкалық-драмалық театрының актері Бейбіт Шәнім Павлодар облысындағы №45 түрмеге барып, сотталған азаматтармен кездескен, деп хабарлайды Azattyq Rýhy.
Polisia.kz жазғандай, бұл шара 2023-2025 жылдарға арналған ҚАЖ мекемелеріндегі ахуалды жақсарту жөніндегі Жол картасы аясында өткен.
«Кездесудің мақсаты — сотталғандармен тәрбие және профилактикалық жұмыс жүргізу, олардың рухани және мәдени деңгейін арттыру. Кездесу барысында Бейбіт Шәнім өз кәсіби жетістіктері, театрдағы еңбек жолы және мәдениеттің адам өміріндегі маңызы туралы айтып, сұрақтарға жауап берген», - деп хабарлайды дереккөз.