Батыс Қазақстанда коронавирустан 107 адам айығып шықты
Батыс Қазақстан облысында 2245 адам үй карантинінде жатыр. Бұл туралы БҚО тауарлар мен көрсетілетін қызметтердің сапасы мен қауіпсіздігін бақылау департаментінің баспасөз қызметі хабарлады.
«Провизорлық стационарда – 21, карантиндік стационарда 64 адам жатыр. Облыстық жұқпалы аурулар ауруханасында 148 адам ем алуда. Батыс Қазақстанда коронавирустан жазылып шыққандар саны 107-ге жетті. Бүгін тағы алты адам жазылып, үйіне жіберілді», - деп жазылған хабарламада.
Баспасөз қызметі өкілдерінің хабарлауынша, ауруханада жатқандардың біреуі ауыр халде жатыр.