Астанада қайтыс болған 14 жасар қыздың жақындары тергеу ісінің дұрыс жүрмей жатқанына шағымданды

Астанадағы қараусыз қалған ғимараттан 14 жасар қыздың денесі табылған. Аталған факті бойынша қылмыстық іс қозғалды. Бірақ тергеу ісі орнынан қозғалмаған. Бұл туралы қайтыс болған қыздың жақындары #Немолчикз-ке шағымданды, деп хабарлайды Azattyq Rýhy.

«10.09.2024 жылы сағат 22:00-де полиция қызметкерінен мәйіт қараусыз қалған ғимараттан табылды деген хабар келіп түсті. Осы факті бойынша қылмыстық іс қозғалды. Байқоңыр АІІБ қызметкерлері «бала тұрмыстық газдан уланып, құлады және кенеттен жүрегі тоқтап қалды» деген нұсқаны алға тартып, жағдайды «жазатайым оқиға» деп бағалады. Бала қайтыс болған күннен бастап тергеу орнынан қозғалмады. Олар күнде ертең деумен уақыт өткізіп келеді. Бірақ осы күнге дейін бізге ешкім хабарласқан жоқ», - дейді марқұмның туыстары.

Сол күні қыз мектептен шыққаннан кейін серуендеуге сұранған, бірақ ол кешіккен. Бұрын мұндай жағдай болмаған соң үй іші алаңдай бастаған. Атасы оны кешкі сағат 6-да іздей бастады. Бірақ телефоны өшірулі болыпты. Туыстары бірден полицияға қоңырау шалады, ал түнгі онға дейін оларға қыздың қараусыз қалған ғимаратта қайтыс болғаны туралы хабарланған.

«БАҚ-та біз полицияның ақпаратын көрдік: «кәмелетке толмағанның мәйітін тексеру барысында көзге көрінетін дене жарақаты анықталған жоқ, өлімнің себебі анықталуда».  Бірақ туыстары бізге мәйітханадан қыздың денесінің суретін жіберді: қолдарында ашық жарақаттар бар, әсіресе саусақтарында, шынтағы мен иығында көптеген көгерген іздер бар. Осының өзі қызға қатысты зорлық-зомбылық  немесе төбелес болғанын түсіну үшін жеткілікті. Бұл жазатайым оқиға емес. Сондықтан Астана қаласының полициясы мен прокуратура қараусыз қалған ғимаратта марқұм қыздан басқа болған адамдарды анықтау үшін мұқият тергеу жүргізіп, барлық камераларды қарауы қажет»,- деп жазды #Немолчикз.

Қайтыс болған қыздың әпкесінің айтуынша, қараусыз қалған ғимаратта қызбен бірге болған адамдар тобы бар.

«Сол кеште қараусыз қалған ғимаратта не болғанын анықтау ғана қалды. Біз Ішкі істер министрлігі мен Бас прокуратураның істі бақылауға алуын талап етеміз», - деп жазды #Немолчикз.