Ұлттың біріңғай тестілеу жоспарға сәйкес, 20 маусымда басталады
Бұл туралы Премьер-министрдің орынбасары Ералы Тоғжанов мәлім етті. Оның айтуынша, коронавирус пандемиясына байланысты елдегі 3 миллионнан астам оқушы мен 1 миллионнан астам студент оқу жылының соңына дейін қашықтан білім алады.
«Түлектерге аттестат табыстау мен соңғы қоңырау шарасы мектептерде, ашық аспан астында адамдар санын шектей отырып, 3-4 маусым күндері өтеді. Санитарлық талаптар қатаң сақталуы керек», - деді Ералы Тоғжанов брифингте.
Ал, Ұлттың біріңғай тестілеу жоспарға сәйкес, 20 маусымда басталады.
«Ұлттық бірыңғай тестілеу санитарлық шараларды сақтай отырып, штаттық режимде өтеді», - деді ол.
Еске сала кетейік, 17 сәуір күні өткен баспасөз мәжілісінде Білім және ғылым вице-министрі Шолпан Каринова биыл мектептердегі соңғы қоңырау рәсімі өтпейтінін хабарлаған еді.
Кенжекей Тоқтамұрат, Нұр-Сұлтан