Станция мемлекетке қайтарылды
Атырау облысы Махамбет ауданында 38 млн теңгенің мүлкі мемлекетке қайтарылды, деп хабарлайды Azattyq Rýhy.
Махамбет ауданы прокуратурасы Бейбарыс ауылдық округінің әкімі тарапынан заң бұзушылықты анықтады. Ол «Первомайский» ЖШС-не понтонға орнатылған су сорғысы станциясын тендер өткізбей, пайдалануға берген.
«Шаруашылық субъектісі понтондық станцияны мемлекетке зиян келтіріп, қолдануды жалғастырған. Мүлік мемлекетке қайтарылды. Ауылдық округ әкімі мен есепшісі тәртіптік жауапкершілікке тартылды», - деп хабарлады прокуратура.