Мұрат Досмұратов бұл қызметті 2 жыл ғана атқарған
Қаржылық мониторинг агенттігі «Атырау мұнай өңдеу зауыты» ЖШС бұрынғы бас директоры Мұрат Досмұратовқа қатысты қылмыстық істі аяқтады, деп хабарлайды Azattyq Rýhy.
Тергеу қызметтік өкілеттіктерін қызмет мүдделеріне қайшы пайдалану фактісі бойынша жүргізілді, бұл мемлекетке аса ірі залал түрінде ауыр зардаптарға әкеп соқтырды.
«Мұрат Досмұратов 2022-2023 жылдар аралығында жеткізушінің жеткізілген жабдыққа тиесілі кепілдік мерзімі уақытында АМӨЗ қаражатынан ақшалай қаражатты негізсіз бөліп, жалпы сомасы 1,9 млрд теңгеге технологиялық жабдықты жөндеу бойынша тиісті шарт жасасты деп күдіктелуде. М.А.Мұратовқа қатысты үйқамақ түріндегі бұлтартпау шарасы таңдалды. ҚР ҚПК-нің 201-бабына сәйкес тергеу мүддесіндегі өзге де ақпарат жария етілмейді», - делінген ақпаратта.
Мұрат Досмұратов мұнай өңдеу зауытының басшысы қызметін 2022 жылдың шілдесінен 2024 жылдың ақпанына дейін атқарды.
1985 жылы И.М. Губкин атындағы Мәскеу мұнай-химия және газ өнеркәсібі институтын «инженер-химик-технолог» мамандығы бойынша бітірген. 1990 жылы осы оқу орнында техника ғылымдарының кандидаты дәрежесін алды.
Әр жылдары «KPI» ЖШС Басқарма төрағасының орынбасары, «ҚазМұнайГаз» ҰК» АҚ мұнай өңдеу департаментінің директоры, «Біріккен химиялық компания» ЖШС техникалық даму қызметінің бастығы болды.
Соңғы қызметі - «KLPE» ЖШС басқарма төрағасының жобалар бойынша орынбасары.