Ақмола облысында масаң күйде мотоцикл айдаған жүргізуші бас бостандығынан айырылды

Көлік құралдарын басқару құқығынан айырылған ақмолалық азамат масаң күйде мотоцикл айдап, полицейлердің қолына түскен, деп хабарлайды Azattyq Rýhy Ақмола облыстық сотына сілтеме жасап.

Сотталушының кінәсі, өзінің кінәсін мойындау туралы айғақтарымен, рапортпен және іс бойынша басқа да дәлелдемелер арқылы дәлелденді.

«Сот үкімімен сотталушы «Т.» ҚК-нің 346-бабының 1-бөлігімен кінәлі деп танылып, көлік құралдарын басқару құқығынан өмір бойына айыра отырып, 9 ай мерзімге бас бостандығынан айырылып, ең төменгі қауіпсіздік қылмыстық-атқару жүйесінің мекемесінде өтеу түріндегі жаза тағайындалды», - делінген хабарламада.

Сот үкімі заңды күшіне енген жоқ..