Халықаралық ғылыми олимпиадада қазақстандық оқушылар топ жарды

Қазақстандық оқушылар ISPHO халықаралық ғылыми олимпиадасында бес жүлделі орынды жеңіп алды, деп хабарлайды Azattyq Rýhy.

Ханты-Мансийскіде ISPhO-2024 физикадан халықаралық ғылыми олимпиада өз мәресіне жетті.

«Байқау нәтижесінде қазақстандық оқушылар бес жүлде, оның ішінде екі алтын, екі күміс және бір қола медаль жеңіп алып, 17 қатысушы елдің арасында жалпыкомандалық екінші орынды иеленді», - деп хабарлады Оқу-ағарту министрлігі.

Қазақстан құрамасының мүшелері:

• Марғұлан Нұрсағатов — Алматы қаласы РФММ-нің түлегі;
• Досжан Бисимби — Алматы қаласы «Мирас» халықаралық мектебінің 11-сынып оқушысы;
• Әмір Пшенбаев — Астана қаласы дарынды жасөспірімдерге арналған «Білім-Инновация» лицейінің түлегі;
• Артур Ким — Ақтөбе облыстық дарынды жасөспірімдерге арналған «Білім-Инновация» мамандандырылған лицей-интернатының түлегі;
• Илияс Қазымбек — Астана қаласы РФММ-нің 9-сынып оқушысы.
• Команда жетекшілері: Самат Мақсұтов – PhD докторы, CDU доценті, Назарали Айтжанов – CDU магистрі.