Ақмола облысында көлігімен итті қағып кеткен мәслихат депутаты жауапқа тартылды
Оған 5 АЕК (18 460 теңге) көлемінде айыппұл салынды
Ақмола облысында көлігімен итті қағып кеткен мәслихат депутаты жауапкершілікке тартылды. Бұл туралы Ақмола облыстық ПД баспасөз қызметінен мәлім етті, деп хабарлайды Azattyq Rýhy.
Ақмола облыстық мәслихат депутаттарының бірі әріптестерінің көзінше көлігімен итті қағып кеткені туралы ақпарат әлеуметтік желіде пайда болды.
Ақмола облысы полиция департаментінің баспасөз қызметі хабарлағандай, аталған факт бойынша тексеру амалдары жүргізілді. Депутат ҚР ӘҚБтК-нің 407-бабы, яғни «Қазақстан Республикасының жануарларға жауапты қарау саласындағы заңнамасын бұзу» бойынша жауапкершілікке тартылды. Ер адамға 5 АЕК (18 460 теңге) көлемінде айыппұл салынды.
«Зеренді ауданының полиция бөлімі тексеру жүргізді, оның барысында полицейлер жануарға қатыгездік көрсеткен жүргізушіні анықтап, жауапқа тартты», - делінген хабарламада.
