Біздің қоғам «Заң мен тәртіпке» бағынуы тиіс – Айбек Дәдебаев
Ол өз сөзінде тіл тақырыбында тоқталды
Біздің қоғам «Заң мен тәртіпке» бағынуы тиіс. Конституция, заңдармен бекітілген талаптар мүлтіксіз орындалуы қажет. Бұл туралы ҚР Президенті Әкімшілігінің Басшысы Айбек Дәдебаев республикалық телеарнаға берген сұқбатында айтты, деп хабарлайды Azattyq ruhy.
«Мемлекеттік органдар, халыққа қызмет көрсету орталықтары, болмаса, басқа да мекемелер болсын азаматтар өтініш жасаған тілде сапалы қызмет етуі керек. Қоғамда тілге қатысты арандатулар болған жағдайда, еліміздің әр азаматына ескертіп айтатын жәйт, ол арандатуға қосылмаңыздар. Бірнеше тілді меңгеру, қазақ халқы әрдайым сауатты болсын деген ұстанымдамыз әрі тілді саяси сұраққа айналдыруға қарсы екенімізді ашып айтамын», - деді Айбек Дәдебаев мемлекеттік тілге қатысты жауабында.
Ол өз сөзінде тіл тақырыбы – көптеген мемлекеттер арасында, қазіргідей аумалы-төкпелі заманда қақтығыстарға себеп болып отырған басты факторлардың бірі екеніне тоқталды.
«Сондықтан, бейбіт болашақ үшін ненің дұрыс, ненің бұрыс екеніне нақты көз жеткізбей тұрып, түрлі арандатуға қосылмауды сұраймыз. Мұндай арандатушылар заң бойынша жауап беретін болады», - деді А. Дәдебаев.
