СҚО аумағында 21 сәуірден бастап карантин режимі күшейтіледі

Солтүстік Қазақстан облысының аумағында 21 сәуір күні сағат 00:00-ден бастап карантин режимі күшейтіледі. СҚО-ның бас санитар дәрігерінің қаулысына сәйкес, ертеңнен бастап кәсіпкерлік және (немесе) өзге де қызмет пен халық тұрмысының ерекше жағдайлары қарастырылған карантин режимі күшейтіледі.

21.04.2020 ж. сағат 00:00-ден бастап төмендегілерді қоспағанда, аудандардың және Петропавл қаласының карантиндік аймақтарының аумағына кіріп-шығуға тыйым салынады:

• халықтың тіршілігін қамтамасыз ету ұйымдарының қызметкерлері; 
• медициналық себептермен кететін және кіретін адамдар;          
• карантин енгізілген кезеңде ауруханаларда емделіп, карантиндік және уақытша ауруханаларда бақылауға алынған адамдардың кетуі;       
• транзиттік жүк көліктері;          
• халықтың қажеттіліктері үшін ауыл шаруашылығы, азық-түлік және басқа да өнімдері бар жүк көліктері;  
• көктемгі дала жұмыстарына, экологиялық, ветеринариялық, ауыл шаруашылығы жұмыстарына, соның ішінде ара шаруашылығымен айналысатын тұлғаларға мемлекеттік тіркеу туралы куәлігі, жеке куәлігі, сондай-ақ қызметкерлер үшін жұмыс орнынан анықтама ұсынылған кезде жүруге болады.

Әуежай, теміржол вокзалы, автостанциялар мен автовокзалдардың қызметі тоқтатылады.