Кездесуде Ұлттық құрылтайда көтерілген Ұлттық кітап күнін белгілеу туралы мәселесі талқыланды
23 сәуір күні Дүниежүзілік кітап күніне орай «AMANAT» партиясы Алматы қалалық филиалындағы «Кітап-АMANAT» орталығында «Көк тудың желбірегені» әнінің авторы, танымал ақын Алмас Ахметбекұлы, «Арыс» баспасының директоры, филиология ғылымдарының докторы, профессор Әнес Ғарифолла және «Қазақстанның Баспагерлер, Полиграфистер және кітап таратушылар» ассоциациясының президенті Әділ Қойтанов жастармен кездесуі өтті, деп хабарлайды Azattyq Ruhy.
Кездесу барысында Мемлекет басшысы Қасым-Жомарт Тоқаевтың төрағалығымен өткен Ұлттық құрылтайда көтерілген Ұлттық кітап күнін белгілеу туралы мәселесі талқыланды. Сондай ақ кеш қонақтары жастарды көп кітап оқуға шақырды.
Пайдасы мол, ақылға, білімге, патриоттық күш беретін руханиятқа толы кездесу соңында оқу мәдениетін қалыптасыру, дамыту мақсатында жастарға Ермек Аманшаевтың «Тәуба» және Бахыт Еженханұлының «Қожаберген батыр» кітаптары сыйға табыс етілді.