Қоғам белсендісі Арман Шораев қамауға алынды

Арман Шораев уақытша ұстау изоляторына қамалды, деп хабарлайды Алматы полиция департаментінің баспасөз қызметі.

«Ол Қылмыстық кодекстің 274-бабы, 4-бөлігі - төтенше жағдай кезінде көрінеу жалған ақпарат таратты деп айыпталады. А.Т. Шораев әлеуметтік желілер арқылы бірнеше рет біле тұра жалған ақпарат таратты»,- делінген хабарламада.

Полиция департаментінің мәліметінше, Шораев қоғамдық тәртіп бұзып, төтенше жағдай кезінде заңмен қорғалатын мемлекет мүддесіне айтарлықтай қауіп туғызған.

«А.Шораев Қарағанды ​​қаласының аумағында  Қылмыстық іс жүргізу кодексінің 128-бабына сәйкес ұсталып, Қарағанды ​​қаласының УКЖ-ға орналастырылды. Тергеу жалғасуда»,- деп хабаралды баспасөз қызметі.

Арман Шораев соңғы рет Facebook - те  5 сағат бұрын жазба қалдырған. Айта кетейік, Шораев «Қазақстан барысы» жобасының негізін қалаушы. ҚР қазақ күресі федерациясының президенті. Президент жанындағы Ұлттық сенім кеңесінің бұрынғы мүшесі. Ол ұйым  құрамынан 3 наурызда шығарылды.