Төртінші Ұлттық құрылтай Көкшетауда өтеді

Төртінші Ұлттық құрылтай Көкшетауда өтеді. Бұл туралы Қасым-Жомарт Тоқаев Сарайшықта өтіп жатқан үшінші Ұлттық құрылтайда мәлімдеді, деп хабарлайды Azattyq Ruhy.

«Шын мәнінде, мұндай алқалы жиындарды аймақтарда өткізудің мән-маңызы зор. Сол арқылы облыстардың дамуына тың серпін береміз. Осы үрдіс алдағы уақытта да жалғасын табады.

Әйгілі Қасым хан Сарайшықта, Абылай хан Бурабайда ордасын тіккені белгілі. Есілдің бойында Кенесары хан мемлекеттігімізді сақтап қалу үшін талай жорыққа шыққан. Бұл аймақ төл шежіремізде айрықша орын алады. Сондықтан Ұлттық құрылтайдың төртінші отырысын келесі жылы Көкшетауда өткізуді ұсынамын», - деп Мемлекет басшысы Атыраудағы жиынды қорытындылады.