«Әшекейден ескерткішке дейін»: Бейжіңдегі ірі базардан фоторепортаж

Бейжіңдегі антиквариат базары маржан сататын базар ретінде белгілі. Ол Бейжіңнің Чаоян ауданындағы Паньцзяюань шағын ауданында орналасқан, деп хабарлайды Azattyq Ruhy.

Паньцзяюань - Бейжіңдегі ең үлкен және ең танымал өнер, қолөнер және антиквариат нарығы.

«Паньцзяюань» антикварлық базары үшінші айналма жолдың шығыс бөлігінің оңтүстігінде орналасқан. Орталықтан жүргенде оны табу қиын емес.

Нарық негізінен антиквариат пен қолданбалы өнерге арналған. Ол қытайлық және шетелдік сатып алушыларды қызықтыратын Бейжіңдегі ең арзан антиквариат нарығы ретінде танымал.

Мұнда сіз қытай мәдениетін зерттей аласыз, коллекция үшін сирек кездесетін заттарды сатып ала аласыз. Мұнда әркім өз қалауы бойынша сабақ ала алады.

Паньцзяюанан антиквариатты тіпті Хиллари Клинтонның өзі сатып алған деседі.

Көптеген сөреде ұқсас тауарлар бар, сондықтан бұл жерде сауда жасау оңай. Нарықта шынайы антиквариат табылғанымен, көбінесе нақты нәрсені жалғаннан ажырату қиын болуы мүмкін, әсіресе сарапшы болмасаң, көшірмеге ұрынуың әбден мүмкін.

«Паньцзяюань» базары 4.85 гектар аумақты алып жатыр. Онда 3000-нан астам дүкен бар. Бұл Қытай мен Азиядағы ең үлкен антикварлық нарық болып есептеледі.

«Паньцзяюань» негізгі тауарлары - пайдаланылған заттар, халық шығармашылығы, антиквариат. Сондай-ақ, олар антикварлық жиһазға еліктеуді және антикварлық кітаптар мен картиналарды, агат, нефрит, керамика, ежелгі қытай және шетелдік монеталарды, бамбук пен жануарлардың сүйектерінен жасалған мүсіншелерді, көлеңкелі театрға арналған былғары қуыршақтарды сатып ала аласыз.

Сондай-ақ, базардан буддистердің жәдігерлерін, ұлттық дәстүрлі киімдерді, «Мәдени революция» (1966-76) киімдері мен заттарын, тұрмыстық заттарды таба аласыз.

Мәселен, табиғи тастан жасалған білезіктер 10 юаньнан (625 теңге) басталады. Келген саяхатшылар мен қала тұрғындары базар аралап, түрлі дәмханалардан теңіз азық-түлігін таңдап, дәмін көре алады.

Скат, сегізаяқ сынды теңіз жәндіктерін де 10 юаньннан алуға болады. Бейжіңге саяхаттап келсеңіз, бұл ірі базарға келіп, ерекше атмосфераға бөленуге кеңес беруге әбден болады.