Сәтпаев қаласының әкімі ұсталды

Бұған дейін әлеуметтік желілерде әкімнің мердігер ұйымнан 10 млн теңге пара алғаны туралы ақпарат тараған еді

Фото ашық дереккөзден

Сыбайлас жемқорлыққа қарсы қызмет Сәтпаев қаласы әкімінің ұсталғанын растады, деп хабарлайды Azattyq Ruhy Антикорға сілтеме жасап.

«ҚР ҚК 366-бабы 2-бөлігі бойынша сотқа дейінгі тергеу шеңберінде ұсталғанын растайды. ҚР ҚПК-нің 201-бабына сәйкес өзге ақпарат жария етуге жатпайды», - деп хабарлады Антикор.

Бұған дейін әлеуметтік желілерде әкімнің мердігер ұйымнан 10 млн теңге пара алғаны туралы ақпарат тараған еді.

Әубәкір Шапағат 2023 жылдың қаңтарында Сәтпаев қаласының әкімі қызметіне тағайындалды. Бұған дейін ол Сәтбаев қаласы әкімінің орынбасары қызметін атқарған.

Мақалада

#әкім #Сәтпаев қаласы #Антикор

Алдыңғы жаңалық

«Ел тұрғындары тағы да қиын-қыстау жағдайда қалмауы керек»: депутат дабыл қақты