Ол – Ватернас вахталық лагерінде тұрған 50 жастағы әйел адам
Covid-19 жұқтырған 50 жастағы әйел екені белгілі болды. Бұл туралы Атырау облысы Денсаулық сақтау басқармасы хабарлады. Басқарманың хабарлауынша, 1970 жылғы әйел Теңіз кен орнында «ТШО» ЖШС мердігерлік ұйымдарының бірінде жұмыс істейді, Ватернас вахталық лагерінде тұрған. Қазір ол инфекциялық изоляторға жатқызылып, жауапты органдар науқаспен байланыста болғандарды анықтады. Қарым-қатынаста болғандарды карантиндік стационарға оқшаулау жұмыстары жүргізілуде.
«Коронавирус анықталу фактісі өндіріс жұмыстарына әсерін тигізбейді, ТШО компаниясында өз жұмысшыларын қорғау мақсатында барлық жұмыстар ұйымдастырылған. Теңіз кен орнындағы барлық жұмысшылар жеке қорғаныс құралдарымен қамтамасыз етілді, дезинфекция барлық нысандарда жүргізілуде, «ТШО» ЖШС кіре берістеріне төрт санитарлық пост орнатылды», - дейді компания басшылығы.
Оқи отырыңыз: Теңіз кен орны жұмысшылары арасында коронавирус анықталды – KazService
Соңғы деректер бойынша Атырау облысында қауіпті вирус жұқтырғандардың саны 36 адамға жетті.