«Мұндайды бірінші рет естідік»: депутаттар министрдің орынбасарынан сөздің мағынасын сұрады

Аягөз Құрмаш

Мәжілісте келісім ратификацияланды

«Мұндайды бірінші рет естідік»: депутаттар министрдің орынбасарынан сөздің мағынасын сұрады
Фотоколлаж: Azattyq Rýhy

Мәжілістің жалпы отырысында Қазақстан мен қатар үкіметі арасында инвестицияларды қорғау туралы заң жобасын талқылау барысында депутаттар министрдің міндетін атқарушыдан заңдағы сөздің мағынасын сұрады, деп хабарлайды Azattyq Ruhy тілшісі. 

«AMANAT» фракциясының жетекшісі, депутат Елнұр Бейсенбаев отырыста заң жобасындағы аударманың мағынасын сұрады.

«Сіз өз баяндамаңызда жақсы бір терминді келтірдіңіз. Біз мұндайды бірінші рет естідік: "Қолшатырлық сипатқа ие". Ол қандай термин? Дипломатиялық тілде түсіндіріп беріңізші», - деді Бейсенбаев.

Сыртқы істер министрінің орынбасары (қазір міндетін атқарушы – авт) Назира Нұрбаева бұл сұраққа жауап берді.

«Бұл - құқықтық термин. Оның мағынасы «рамочный» яғни жалпы негіздері беріледі. «Детализированный» дейді ғой. Екі жақты жобаға келсек «условие» дейді ғой. Олар басқа келісімге келуі мүмкін. Бұл жалпы негізбен қағидаларды бағыттайтын келісім», - деді Нұрбаева.

×
Бұл желілік ресурстың ақпараттық өнімдері 18 жастан асқан адамдарға арналған.