«Барлық облыстағы бүкіл тендерді ұтып алады»: депутат қоғамдық бірлестіктер жайлы

Бұл мәселеге қатысты министр түсінік берді

«Барлық облыстағы бүкіл тендерді ұтып алады»: депутат қоғамдық бірлестіктер жайлы
Фотоколлаж: Azattyq Rýhy / Әбілқасым Есентаев

Мәжілісте «Қазақстан Республикасының кейбір заңнамалық актілеріне қоғамдық бірлестіктер мәселелері бойынша өзгерістер мен толықтырулар енгізу туралы» заң жобасы мақұлданды, деп хабарлайды Azattyq Ruhy.

Заң жобасы жайлы Мәдениет және ақпарат министрі Аида Балаева баяндап берді.

Мәжіліс депутаты, «AMANAT» партиясы фракциясының мүшесі Мұрат Әбенов тендер бойынша жұмыс істейтін ұйымдар жайлы айтты.

«Аида Ғалымқызы, өзіңіз білесіз, бірнеше жыл бұрын сізбен осы салада тәртіп орнату үшін біраз жұмыс істедік. Бұл заң керек. Құқықты күшейтіп жатырмыз. Жауапкершілікті де қарағанымыз дұрыс. Бірақ сіздің ойыңызды білгім келеді. Кейбір үкіметтік емес ұйымдар осы саланы бизнес жасап алған сияқты. Бір ұйымдар бар. Олар барлық облыстағы бүкіл тендерді ұтып алады. Онда бес-ақ адам бар. Менің ойымша, олар бүкіл Қазақстанда қалай жұмыс істейді. Мен мұны сұрастырдым. Олар басқаларға тендерді береді екен. Өздері ұтып алады, бірақ басқалар субподрядчик болады. Жастар мұны әділетсіз дейді. Әрине, олар ұта береді. Олардың тәжібесі бар деп айтады. Осында бір өзгеріс жасау керек шығар. Сондай-ақ жариялылық болуға тиіс. Жылдың соңында бір жылда осындай 200 тендер ұтты деп жазса. Сонда көріп отыратын едік. Сол арқылы тәртіп орнатамыз», - деді ол.

Өз кезегінде Мәдениет және ақпарат министрі Аида Балаева бұл мәселеге қатысты жауап берді.

«Өте орынды көтеріліп отырған мәселе. Шынымен бізде әр байқау 2 процедураны қамтиды. Біріншіден, заңға сәйкестігі. Олар жақсы заңгерлерді тартады. Олардың құжаттарына тиісе алмайсың. Егер біз болмайды десек, ертең олар бізді сотқа береді. Өйткені, олар бізді заңсыз байқаудан шығарып жіберді деп мәселе көтеруі мүмкін. Сондықтан біз оларды қабылдап, жұмыс істеуге мәжбүрміз. Бірақ олардың атқарып жатқан жұмысының сапасына мән беру керек. Менің ойымша, мен айтқан қоғамдық бақылау осыған да бағытталауы керек. Тек мемлекеттік органдардың жұмысына ғана емес, мемлекеттен берілген қаржының тиімді жұмсалуына бақылау керек сияқты. Жақында азаматтық форумда осы мәселелер жан-жақты қаралды. Осы үкіметтік емес ұйымдардың қызметіне қатысты жаңа заң қабылдайық деген ұсыныстар енгізілді. Сол жұмыстың аясында осы мәселені қарауға болады», - деді министр.

Авторы: Аягөз ҚҰРМАШ 

×
Бұл желілік ресурстың ақпараттық өнімдері 18 жастан асқан адамдарға арналған.