Италия үкіметі мыңдаған отбасының жәрдемақысын қысқартып жатыр

Үкімет басшысы Джорджи Мелони мыңдаған отбасыға және «жұмысқа жарамды» деп танылған адамдарға жәрдемақы төлеуді тоқтатады, деп хабарлайды Azattyq Ruhy.

Италия бойынша шамамен 169 мың отбасы шілде айының соңында келесі айда олар соңғы төрт жылда алған жәрдемақыларының тоқтайтыны туралы SMS-хабарлама алды.

Құрамында мүгедектері, кәмелетке толмағандары немесе 65 жастан асқан адамдары жоқ барлық отбасыға берілетін жәрдемақылар арнайы бағдарлама аясында берілген. Жәрдемақыны табысы төмен адамдар, сондай-ақ жұмыссыздар ай сайын алған.

Әлеуметтік төлемдер бағдарламасын 2019 жылы бес жұлдызды қозғалыс (M5S) партиясының мүшесі Джузеппе Конте енгізді.

Маусым айында Италияда жұмыссыздық деңгейі 7,4% - ға дейін төмендеді, ал елде жұмыспен қамтылғандардың жалпы саны 23 млн 590 мың адамды, +0,3% құрады. Оң динамикаға қарамастан, Италиядағы жұмыссыздық деңгейі Еуропалық Одақтағы ең жоғары көрсеткіштердің бірі болып қала береді, 2023 жылдың маусымындағы жағдай бойынша жұмыссыздықтың орташа деңгейі 5,9% құрайды.