Баспаналы болуға арналған жеңілдетілген бағдарлама жоқтың қасы
Елімізде 2,5 миллион адамның өз үйі жоқ. Құрылыс материалдары қымбат. Көпшілігі сырттан тасымалданады. Баспаналы болуға арналған жеңілдетілген бағдарлама жоқтың қасы. Бұл туралы Қазақстан құрылысшылар одағының төрағасы Талғат Ерғалиев бизнес форумында айтты, деп хабарлайды Azattyq Rýhy Астана арнасына сілтеме жасап.
Ресми деректерге сүйенсек Қазақстанда 19 мың құрылыс компаниясы бар. Оның бүгінгі таңда тек 6 мыңы жұмыс істеп тұр.
«Бүкіл жерде сатып алу шарттары азайып жатыр. Мүмкіншіліктер азайып жатыр. Сондықтан ең маңызды қазіргі мәселе сол мұқтаж боп жүрген азаматтарымызды қаржыландыру. Несие беру. Өйткені олар жалақыдан-жалақыға дейін күн көреді. Жинауға мүмкіншілігі жоқ», - деді Қазақстан құрылысшылар одағының төрағасы Талғат Ерғалиев.