Үш жылда 255 адам жемқорлық қылмыс жасаған
Сыбайлас жемқорлыққа қарсы іс-қимыл агенттігі төрағасы, сыбайлас жемқорлыққа қарсы қызметтің генерал-майоры Асхат Жұмағали білім саласындағы жемқорлық туралы айтты, деп хабарлайды Azattyq Ruhy.
«2020 жылдан бастап білім беру саласында 343 сыбайлас жемқорлық құқық бұзушылық тіркелді, оларды жасауда 255 адам әшкереленді. Мемлекетке келтірілген залал шамамен 11 млрд теңгені құрады. Антикоррупциялық қызмет білім беру саласындағы сыбайлас жемқорлық тәуекелдеріне сыртқы талдау жүргізді. Талдау осы саладағы сыбайлас жемқорлықтың жүйелілігін көрсетеді. Негізгі назар білім беру бюджетінің 70%-ға жуығы жіберілетін еңбекақы төлеу қорына аударылды. Осы жұмыстың нәтижесінде бюджет қаражатын ұрлаудың жоспарлаудан бастап игеруге дейінгі барлық схемалары ашылды», - деді Жұмағали.
Ол атағандай, білім саласында пара алу, жымқыру және қызмет құзырын асыра пайдалану жүзеге асырылады.
«Жемқорлықты негізінен мектеп директорлары мен бухгалтерлермен ақылдасып жасайды. Сондай-ақ білім басқармасының жетекшілері де оған қатысады», - деді ол.