$ 514.94  583.74  6.13
ҚАЗ
×
Бұл желілік ресурстың ақпараттық өнімдері 18 жастан асқан адамдарға арналған.
18.06.2023, 10:16
Қоғам

Шетелдік көліктерді заңдастыру науқаны екі аптадан соң аяқталады

Осы уақытқа дейін 161 мың автокөлік заңдастырылды

Шетелдік көліктерді заңдастыру науқаны екі аптадан соң аяқталады
Фото: www.gov.kz

Ішкі істер министрлігі мәлімдегендей, шетелдік көліктерді заңдастыру науқанының аяқталуына екі апта қалды, деп хабарлайды Azattyq Ruhy.

Биыл қаңтар айында 2022 жылдың 1 қыркүйегіне дейін әкелінген шетелдік автокөліктерді заңдастыру шаралары басталды. Осы уақытқа дейін 161 мың автокөлік заңдастырылды, тағы 13 мыңнан астам көлік иесі құжат тапсырды. Бұдан бөлек, 7 мыңға жуық автокөлік-конструктор есепке қойылды.

Әкімшілік полиция комитетінің төрағасы Қайсар Сұлтанбаев 1 шілдеге дейін өтінім беруге болатынын еске салды. Одан кейін өтінімдерді қабылдау тоқтатылады. Заңдастыру мерзімі ұзартылмайды.

«Одан кейін шетелдік есепте тұрған автокөліктерді Қазақстан Республикасының заң талаптарын бұзып пайдалануды жалғастырған азаматтарға тиісті шаралар қабылданатын болады», - дейді Сұлтанбаев.

Ал Еуразиялық экономикалық одақ елдерінде бұрынғы тіркелген жері бойынша есептен шығарылмаған және заңдастырылмаған автокөліктерді 5 жылға уақытша есепке қоюға рұқсат беріледі.

Серіктес жаңалықтары