Доллар, еуро, рубль: қазақстандықтардың шетел валютасына сұранысы азайған

Қазақстандықтардың шетел валютасына деген сұранысы азайған, деп хабарлайды Azattyq Ruhy «Бірінші несие бюросына» сілтеме жасап.

Сарапшылардың жазуынша, елімізде доллар, еуро, рубльге бірдей сұраныс азайған. Өңірлер бойынша, Алматыда шетел валютасына сұраныс күрт төмендеген.

«Сәуірде Алматыдағы доллардың сатылымы 3,7 млрд теңгені құраған. Яғни, сұраныс шамамен 11 есе қысқарған. Еуро мен рубльге деген сұраныс екі есе төмендеген. Ал Астанада долларға деген таза сұраныс бір айда 2,8 есе өскенімен, еуроны сатып алу көлемі екі есе қысқарған» – делінген хабарламада.

Доллардың наурыздағы сатылымы 122,8 млрд теңгені құраса, сәуір айында 73,2 млрд теңге болған.