ОСК сайлаушылардың белсенділігі туралы соңғы мәліметтерді жариялады

ҚР Орталық сайлау комиссиясы Мәжіліс пен мәслихат депутаттары сайлауында азаматтардың учаскелерге келуі туралы соңғы мәліметті жариялады, деп хабарлайды Azattyq Ruhy.  

Облыстардың, республикалық маңызы бар қалалардың, елорданың комиссиялары ұсынған деректерге сәйкес, сағат 22:10-дағы жағдай бойынша тізімге енгізілген азаматтардың жалпы санының 54,19% бюллетеньдер алды. Дауыс беруге құқылы 12 035 578 азаматтың ішінен 6 521 860 адам сайлауға қатысты.

Оның ішінде:

•  Абай облысы бойынша – 57,02%
•  Ақмола облысы бойынша – 60,01%
•  Ақтөбе облысы бойынша – 58,00%
•  Алматы облысы бойынша – 60,03%
•  Атырау облысы бойынша – 51,23%
•  Батыс Қазақстан облысы бойынша – 59,20%
•  Жамбыл облысы бойынша – 65,21%
•  Жетісу облысы бойынша – 55,32%
•  Қарағанды облысы бойынша – 59,48%
•  Қостанай облысы бойынша – 65,10%
•  Қызылорда облысы бойынша – 67,21%
•  Маңғыстау облысы бойынша – 54,10%
•  Павлодар облысы бойынша – 58,68%
•  Солтүстік Қазақстан облысы бойынша – 65,25%
•  Түркістан облысы бойынша – 53,01%
•  Ұлытау облысы бойынша – 58,99%
•  Шығыс Қазақстан облысы бойынша – 64,15%
•  Астана қаласы бойынша – 42,91%
•  Алматы қаласы бойынша – 25,82%
•  Шымкент қаласы бойынша – 45,46%

Республика бойынша учаскелерде дауыс беру сағат 20:00-де аяқталды.

Республика аумағындағы сағат белдеулерінің шекараларына сәйкес бес өңірде (Ақтөбе, Атырау, Батыс Қазақстан, Қызылорда және Маңғыстау облыстары) дауыс беру елорда уақыты бойынша сағат 21:00-де аяқталды.

Еске салайық, 19 наурызда қазақстандықтар Парламент Мәжілісінің жаңа депутаттарын және барлық деңгейдегі мәслихат депутаттарын сайлайды.

Сайлау учаскелеріндегі дауыстарды санау 19 наурызда жергілікті уақыт бойынша кешкі сағат 20:00-де басталды және 20 наурыз күні таңертең аяқталуы керек.